BUTUAN CITY – Gikumpirma sa Bureau of Animal Industry (BAI) nga natala na unang kaso sa “Q Fever” sa Pilipinas.
Kasagarang makaapekto ang maong sakit sa mga binuhing baka, karnero, ug kanding, kansa mamahimo pang mapasa ngadto sa mga tawo pinaagi sa paglanghab sa kontaminado nga mga abog.
Sumala ni Dr. Si Christian Daquigan, officer-in-charge sa National Veterinary Quarantine Services Division sa Bureau of Animal Industry (BAI), nga kadaghanan sa mga kanding nga nagpositibo sa maong sakit kay anaa sa Santa Cruz, Marinduque.
Nasuta nga ang Q fever tungod matud pa sa bacterial pathogen Coxiella burnetii, kini sumala na sa pagtuon sa National Institutes of Health (NIH). Pipila sa mga simtomas niini sa mga tawo mao ang pagkurog, hilanat, sakit sa kaunoran, ug kung dili matambalan, mahimong mosangpot sa komplikasyon sa atay o kasingkasing.
Sa pagkakaron wala pay kumpirmadong kaso sa q-fever sa mga tawo.
Kasamtangan nang gitutukan sa Bureau of Animal Industry ang pagmugna og mga lakang aron malikayan ang pagkaylap sa maong sakit.
Samtang, human madawat ang resulta sa PCR test, gimando gilayon ni Agriculture Secretary Francisco P. Tiu Laurel, Jr. ang dinaliang pagsubay sa posibleng nataptan nga mga mananap ug temporaryong pagpugong sa importasyon sa mga kanding gikan sa U.S., asa duna nay 5 ka dosenang kanding nga na-depopulate.
Gimando usab sa maong opisyal ang preventive suspension sa pipila ka BAI personnel samtang naghulat sa imbestigasyon, pagrepaso sa BAI’s quarantine and disease control protocol, ug posibleng blacklisting sa importer sa mga nataptan nga kanding.
Nipasalig usab ang ang Department of Agriculture sa mga residente sa Sta. Cruz, Marinduque sa tanang gikinahanglang tabang aron mapugngan ug mahunong na ang maong sakit.
