BUTUAN CITY – Dali rang gideklara isip fire out ang nahitabong sunog kagahapong adlawa bandang alas 10:44 ang takna sa butnag sa may Jacinto P. Elpa National High School atul mismo sa pag bisita ni Presidente Ferdinand Bongbong Marcos Jr. sa syudad sa Tandag.
Sumala ni SFO3 Rico Velasco sa Tandag City Fire Station nga nasunog matud pa sa maong tunghaan ang 7 ka lawak, partially burned usab ang usa niini. Subay sa imbistigasyon nga karaan na matud pa kaayo ang maong mga classrooms, kansa nahimo nalamang kini nga faculty room ingon man stock room. Gibanabana usab nga anaa sa 230-mil ang posibleng damyos sa maong sunog.
Sa kasamtangan, under investigation pa ang maong hinungdan sa maong sunog. Subay niini, wala ra usab matandog ang pagpamulong ni Presidente Ferdinand Bongbong Marcos sa may kapitolyo nga duol ra ang nahimutangan gikan sa maong sunog.
