BUTUAN CITY – Temporaryo nang gawasnon si kanhi Negros Oriental Governor Pryde Henry Teves, ang igsoon ni kanhi usab nga Congressman Arnolfo Teves Jr. human kini naka pyansa sa gitagana sa korte kaniya nga 200-mil pesos.
Kahinumduman nga nasikop ang maong gobernador bandang alas 8:15 ang takna sa buntag kagahapong adlawa, Hunyo 20, 2024 sa may Dr. Vicente Locsin St., Brgy. Taclobo, Dumaguete City, Negros Oriental.
Ang pagsikop s amaong opisyal, mugna sa napamatud-ang bayolasyon niini sa Terrorism Financing Prevention and Suppression Act of 2012. Kahinumudumang niadtung Agosto, gideklarar sa Anti-Terrorism Council (ATC) ang managsuong Teves ug laing 12 ka mga indibidwal isip terorista tungod sa gikaingong pagkalambigit niini sa pagpatay ug pagpanghasi sa mga taga-Negros Oriental, ingon man sa dayag nga pagpatay kang Negros Oriental Governor Roel Degamo niadtong Marso 2024 nga miresulta usab sa kamatayon sa pipila ka mga inosenteng sibilyan.
Si Pryde Henry, kansa manghud ni expelled Negros Oriental 3rd District Representative Arnulfo Teves, kay numero uno sa listahan sa mga wanted sa Provincial ingon man Regional Level.
Nakapyansa matud pa ang maong dinakpan tungod kay ang basehan sa kaso niini mao man ang balaod man nga napasar niadtung 2012, imbis nga ang ang Anti-terror law nga gipermahan ni kanhi Presidente Rodrigo Duterte diin mamahimo kining madetine sulod sa 24 ka mga adlaw bisan wala pa napamatud-i ang kaso batok niini.
