BUTUAN CITY – Sikop na sa mga kapulisan si kanhi Negros Oriental Governor Pryde Henry Teves, ang igsoon ni kanhi usab nga Congressman Arnolfo Teves Jr..
Dakpan ang maong gobernador bandang alas 8:15 ang takna sa buntag ning adlawa, Hunyo 20, 2024 sa may Dr. Vicente Locsin St., Brgy. Taclobo, Dumaguete City, Negros Oriental.
Ang maong pagsikop, mugna sa napamatud-an niining bayolasyon sa Terrorism Financing Prevention and Suppression Law.
Kahinumudumang niadtung Agosto, gideklarar sa Anti-Terrorism Council (ATC) ang managsuong Teves ug laing 12 ka mga indibidwal isip terorista tungod sa gikaingong pagkalambigit niini sa pagpatay ug pagpanghasi sa mga taga-Negros Oriental, ingon man sa dayag nga pagpatay kang Negros Oriental Governor Roel Degamo niadtong Marso 2024 nga miresulta usab sa kamatayon sa pipila ka mga inosenteng sibilyan.
Gikatakda usab sa korte ang anaa sa P200,000 isip pyansa sa temporaryong kagawasan sa maong personalidad. Kahibaloan usab nga ang warrant of arrest batok kang Arnolfo, kinsa anaa karon sa house arrest taliwala sa extradition trial sa Timor Leste kalabot sa insidente, gi-isyu niadtong Septiyembre sa naka labay nga tuig.
