-- ADVERTISEMENT --
BUTUAN CITY – Nangandam na ang nagkada-iyang national-line government agencies ning siyudad sa Butuan alang sa mga angayang buhaton higayong mu-abot na ang sunod-sunod nga mga pag-ulan.
Atol kini sa gipahigayong full council meeting sa mga sakop sa City Disaster Risk Reduction Management sa pagpanguna ni Department of Interior and Local Government City Director Charissa Guerta.
Atol sa meeting, gipadayag ni Engr. Lance Galanida gikan sa Philippine Atmospheric, Geophysical and Astronomical Services Administration kon PAGASA-Butuan nga gibana-banang mu-abot sa usa ngadto sa duha ka mga bagyo ang mosulod sa nasud karong bulan sa Hulyo ug Agosto gawas pa sa gila-umang pagsulod usab sa La Niña phenomenon.
