BUTUAN CITY – Opisyal nga gihangyo sa Pilipinas ang United Nations nga palapdan ang utlanan niini sa West Philippine Sea.
Sa usa ka pamahayag, gikataho sa Department of Foreign Affairs (DFA) nga ang nasud pinaagi sa Philippine Mission ngadto sa United Nations (UN) sa New York misumiter sa maong impormasyon ngadto sa United Nations (UN) Commission on the Limits of the Continental Shelf (CLCS) alang sa pagparehistro sa katungod sa atong nasud sa extended continental shelf (ECS) sa West Palawan Region sa West Philippine Sea.
Base sa Article 76 sa UN Convention on the Law of the Sea (UNCLOS), ang usa ka coastal state sama sa Pilipinas adunay katungod sa pagbutang sa outer limits sa continental shelf niini nga naglakip sa seabed ug subsoil sa submarine areas nga adunay lugar nga molapas sa 200 nautical miles apan dili molapas sa 350 nautical miles gikan sa baselines.
Gipangulohan ang maong sugyot sa National Mapping and Resource Information Agency (NAMRIA) isip technical working group nga nag-draft sa pagsumite sulod sa kapin sa usa ka dekada.
Sumala ni Departmernt of Foreign Affairs Ass. Si Sec. for Maritime and Ocean Affairs Marshall Louis Alferez nga ang maong pagsumite dili lamang usa ka deklarasyon sa mga katungod sa Philipinas ubos sa UNCLOS kondili pasalig usab sa nasud alang sa responsableng paggamit sa mga proseso niini ingon man sa pagpanalipod sa katungod sa soberanya ug maritime jurisdiction sa nasud sa West Philippine Sea.
