BUTUAN CITY – Gikumpirma ni Senate President Francis ‘Chiz’ Escudero nga gipahunong niini ang pagtukod sa bag-ong Senate building sa Bonifacio Global City sa Taguig tungod sa kadako sa gasto niini.
Lakip usab sa gisuspende ang pagbayad sa mga bayronon sa mga kontraktor.
Sa pulong sa maong Senador sa flag ceremony atubangan sa mga empleyado, gikabutyag ni Escudero nga dili una madayon ang ilang pagbalhin karong tuiga o bisan sa sunod tuig.
Matod niini nga ila una nga i-review ubos sa liderato ni Senate Committee on Accounts Chairman Alan Peter Cayetano ang dugang pundo alang sa pagtukod sa bag-ong Senate building.
Kahibaloang gikan sa P8.9-Billion, ningsaka ngadto sa P13-Billion nga karon nadugangan pa og P10-Billion ang gikinahanglan para sa maong bag-ong building.
