BUTUAN CITY – Gipang apod-apod sa lokal nga pangamhanan sa Butuan ang Hybrid Rice Seeds ug Fertilizers ngadto sa mga mga Rice Farmers sa Barangay Lemon Covered Court kagahapong adlawa.
Nahimo ang maong programa pinaagi sa paganagtinabangay sa City Agriculture and Veterinary Department, Department of Agriculture Caraga, ug mga kumpanya sa rice seeds ug fertilizers, isip tabang sa mga mag-uuma nga makunhuran ang gasto niini.
Nakadawat sa maong mga libreng binhi ug fertilizers ang mga miyembro sa Registry System for Basic Sectors in Agriculture kun RSBSA diin indibidwal ang paghatag ug miagi sa masusing proseso.
Ang maong programa usa sa pagpangandam sa Butuan LGU alang sa umaabot nga cropping season sa tinguha nga magpadayon ang taas nga produksyon ug taas nga kalidad sa humay sa dakbayan sa Butuan.
