BUTUAN CITY – Gipauwanan sa Alas Pilipinas ang kalabanan niining mga taga-Indonesia og di mabangbang nga 25-23, 23-25, 25-14, 25-22 score alang sa kadaugan niini sa 2024 AVC Challenge Cup classification match kaorong adlawa nga gihimo sa Manama, Bahrain.
Tungod sa maong kadaugan, makiglantugi na usab ang Pilipinas kontra sa Thailand o di ba kaha sa Chinese Taipei alang sa ika-siyam nga pwesto.
Nahimo sa maong kuponan nga biyaan ang kalaban niini sa ika-tulong set sa dula pinaagi sa 11 puntos nga lamang, rason sa 2-1 set lead niini.
Namintinar sa Pilpinas ang momentum sa dula human nga giblockan ni Joshua Retamar ang kontra niini nga si Krisna Krisna alang sa 18-13 lead.
Dugangan pa kini sa one-two attack sa maong mandudula nga nagpabinat pa sa lamang sa Pilipinas sa 21-16 lead.
Importante alang sa Alas ang maong kadaugan human kini naglunang sa winless pool play.
Gipangunahan usab ni Captain Marck Espejo ang maong dula pinaagi sa 20 puntos, 17 ka mga atake, duha ka mga aces ingon man usa ka block.
