BUTUAN CITY – Gipaniguro ni Presidente Ferdinand Bongbong Marcos Jr. sa katawhan sa Negros ingon man sa tibook nasod nga padayon ang gihimong suporta sa mga ahensya sa pangamhanan niini sama sa Philippine Institute of Volcanology and Seismology (PHIVOLCS), National Disaster Risk Reduction and Management Council (NDRRMC), ingon man ang Department of Social Welfare and Development (DSWD) ngadto sa mga apektadong residente sa pagbuto sa Mt. Kanlaon kagahapong adlawa.
Gikabutyag usab sa Presidente nga nagpabilin pa sa Alert Level 2 ang maong bulkan bisan kon ning lurang nakini. Kini alang na usab sa seguridad sa mga katawhan duol sa nahisgutang bulkan.
Sumala sa video nga gipagawas sa Presidente ning gabie lamang, gikataho niini nga anaa na sa 170 ka mga pamilya, kansa bugti sa 796 ka mga indibidwal ang apektado sa pagbusikad sa maong bulkan.
Dugang niini nga nanghatag na usab ang pangamhanan og mga gikinahanglan sa mga apektadong residente, ug naka standby na usab ang mga kahimanan sa pangamhanan ugaling kinahanglanon kini tungod sa maong kalamidad.
Giawhag usab sa Presidente ang mga residente, ilabi na sa mga apektadong lugar nga mamahimong bigilante ug likayan usab ang four-kilometer radius permanent danger zone.
Sa pagkutlo ning balita, gipailalum na sa Office of Civil Defense (OCD) ang Canlaon City sa Negros Oriental sa State of Calamity human sa pagbuto sa Kanlaon Volcano.
