BUTUAN CITY – Gisunod-sunoran sa Chinese Coast Guard vessel ingon man sa duha ka mga Chinese maritime militia vessels ang barko sa Pilipinas nga BRP Teresa Magbanua sa Escoda (Sabina) Shoal sumala sa latest monitoring sa SeaLight security think tank.
Sumala pa ni Sealight Director Ray Powell nga pila na ka mga adlaw nagpadool ang mga barko sa China sa BRP Teresa Magbanua. Alayon niini, gikataho usab sa maong opisyal nga daw interisado gayud ang mga Barko sa China sa mga ginahimo sa BRP Teresa Magbanua, ug “intimidation” matud pa ang ginahimo niini ngadto sa barko sa Pilipinas.
Gideploy sa Philippine Coast Guard ang BRP Teresa Magbanua sa West Philippine Sea sa tumong nga mamonitor niini ang pagmugna sa artificial islands sa West Philippine Sea pinaagi sa pagbutang una og mga crushed corals sa dagat.
Dugan pa ni Powell nga maayo matud pa ang pag butang sa maong barko sa Sabina Shoal tungod sa nagkadaghan na nga mga barko sa China sa maong dapit.
