BUTUAN CITY – Nagpadungog-dungog ang defense minister sa China nga si Dong Jun sa matud pa niini, nasod sa may “South China Sea” nga nagadeploy og mga ballistic missiles sa Asia-Pacific region, utok sa pagpakuyanap og mga sayop nga impormasyon, ingon man dili makamao motuman sa mga kasabutan.
Sumala sa opisyal nga nagtumo-tumo matud pa ang maong nasod og mga peke nga estorya nga maoy hulga sa rehiyon. Hulga ni Dong nga may kinutuban matud pa ang pagpugong sa Beijing sa ilahang kapungot sa maong nasod. Gihimo niini ang maong pamahayag atul sa Shangri-La Dialogue, usa ka security forum in Singapore.
Sugyot sa Admiral nga kaya raman matud pang maresulba sa mga nasod sa Asia-Pacific region ang kaugalingon niining mga problema.
Wala panganli ni Admiral Dong Jun ang maong nasod. Apan kahinumdumang init karon ang bangi sa China ingon man sa Pilipinas tungod sa giilogang West Philippine Sea.
Duna usay mga ginahimo nga ballistic missiles deployment ang Pilipinas ingon man ang United Staes tungod sa mga kasabutan niini sama sa Balikatan Exercises, kansa may kanunay nga gipalig-on sa duha ka nasod.
