BUTUAN CITY – Gipasakahan og kasong graft si Bamban Mayor Alice Guo sa Interior and Local Government (DILG) tungod sa kalambigitan niini sa Philippine Offshore Gaming Operator (POGO) nga gitukod mismo sa ilahang lokalidad.
Sumala ni DILG Undersecretary Juan Victor Llamas nga gipasaka ang maong kaso pinaagi sa Office of the Ombudsman ning Mayo 24 lamang, nag-ugat ang maong kaso sa pag-issue sa maong Mayora og permit sa Hongsheng Gaming Technology Inc. taliwala pa man nga pakyas kining makakompleto sa mga rekititus ug expired na usab ang lesinsya niini sa Philippine Amusement and Gaming Corp. (PAGCOR).
Gibarugan ni Llamas nga dapat untana, gi-revoke ni Mayor Guo ang business permit sa Hongsheng.
Alayon niini, nagtuo usab ang DILG nga mamahimong makadala ang maong kaso sa preventive suspension sa nasangpit nga Mayora, kansang nasyunalidad kamulo pang giimbistigahan, may kalambigitan na usab sa POGO operations sa ilahang lugar nga gidumala sa Zun Yuan Technology Inc. diin dunay 600 ka mga Pilipino og mga langyaw ang narescue atul sa raid naidtung 2023.
Kahibaloang usa si Guo nga incorporator sa Baofu Land Development Inc. nga maoy nanag-iya sa yutang nahimutangan sa Zun Yuan Technology Inc. complex kansa giapplyan ni Mayor Guo og letter of no objection arun kini maka baton og lisinsya. Kahibaloang ang Hongsheng Technology Inc. usab ang nag operate sa maong kompanya.
