BUTUAN CITY – Walay puas ang paningkamot sa local nga pangamhanan sa Cabadbaran nga matabangan ang mga kabataang may kagustohang makhuman sa pagtungha, kini human gihatagan og pasidungog sa Cabadbaran LGU si Anthony Calinawan, gikan sa Tribu Mamanwa, ug usa usab sa mga bag-ohay lang ningpasar sa Licensure Examination for Professional Teachers (LEPT) ning Mayo 24, 2024.
Sumala sa tigpamaba sa lokal nga pangamhanan sa Cabadbaran nga si Roselyn Exaure, gipasigarbo sa ilahang pangamhanan si Anthony tungod sa determinasyon niini nga makatapos sa pagtungha, gani, usa matud pa ang maong indibidwal sa mga kabatan-onan nga gihatagan og pagtagad sa ilahang syudad pinaagi sa pagpa eskwela niini nga libre gikan sa highschool pa lamang hangtud sa koliheyo.
Una nang nagpadayag sa iyahang pasalamat si Anthony sa Lokal nga pangamhanan sa Cabadabaran tungod kay ginatap man siya ugaling dunay mga oportunidad, ilabi na og maka-ayo kini sa iyahang pagtungha.
