BUTUAN CITY – Duna nay gimugnang Water Crisis Management Team ang pangamhanan sa Butuan nga maoy mo himo og mga aktibidades nga makatabang sa syudad sa pag tubag sa mga giatubang niini nga problema, ilabi na atul sa pagpailalum ning dakbayan sa State of Calamity tungod sa nasinatiang Water Crisis.
Sumala ni Michiko De Jesus, tigpamaba sa Local Government Unit kon LGU Butuan, usa sa mga solusyon nga gihimo sa pangamhanan mao ang water rationing kauban ang mga partner niini niining mga ahensya sama sa Bureau of Fire protection. Alayon niini naghimo usab og inventory ang nasangpit nga Management Team ngadto sa mga Barangay ning dakbayan nga dunay sources sa tubig og gitun-an niini kon mamahimo ba nga makakuha og tubig gikan sa maong mga tinubdan alang sa mga apektadong Barangay.
Dugang sa maong opisyal nga nakahinabi na sa dakbayan si Congressman Joboy Aquino alang sa Posibilidad nga himoong cloud seeding, sa ingon nga mapaulanan ang Taguibo Watershed. Dugang niini nga ilalum sa pagdeklara og State of Calamity sa Butuan, mamahimo na usab nga makaaccsses ang mga kabarangayan ning dakbayan sa ilajhang mga quick response fund alang sa paggahin og budget para sa patubig sa iklahang mga concessioners.
