BUTUAN CITY – Madawat na sa mga kwalipikadong empleyado sa gobyerno ang ilang midyear bonus sugod ugmang adlawa, Mayo 15 kansa bugti sa usa ka buwan nga sweldo.
Alayon niini, gipahinumdoman ni Department of Budget and Management Sec. Amenah Pangandaman ang tanang ahensiya sa gobyerno nga siguruhong mapagawas gilayon sa labing daling panahon ang bonus sa ilang mga empleyado base na sa nagtunhay nga patakaran ug regulasyon.
Ang bonus, ihatag ngadto sa mga empleyado sa gobyerno nga nagtrabaho na og 4 ka buwan tali sa Hulyo 1 ning mi-aging tuig ug hangtud sa Mayo 15 kon ugmang adlawa. Kinahanglan nga ang empleyado, employed sa gobyerno as of May 15 ug kinahanglang nakadawat og satisfactory score sa nakalabay nga rating period.
Apil sa mga makadawat og midyear bonus ang tanang mga civilian personnel sama sa regular, casual, ug contractual employees ingon man kadtung gipangtudlo o kaha gipili sa mga sanga sa gobyerno ug mga institusyon, full-time man o part-time. Via Bombo Nochelle Murro
