BUTUAN CITY – Nahingangha ang kadaghanan sa kolor nga gipakita sa Aurora Borealis kon northern lights. Kini human nga imbis green, pink ang makitang kolor sa maong northern lights. Sumala sa mga eksperto, ang maong pangitabo tungod matud pa sa kakusog sa solar storm nga nabatyagan sa kalibutan.
Rason nga bisan sa London, UK, makita ang maong northern lights. Samtang, makita usab hangtud sa sa New Zealand ang aurora Australis kon southern lights. Sumala sa US National Oceanic and Atmospheric Administration (NOAA) , katapusang nakasinati ang kalibutan sama kakausog sa maong geomagnetic storm kay naiadto pang tuig 2003.
Dugang sa maong ahensya nga anaa matud pa sa class G5 ang nasaksihan nga borealis kagahapong adalwa sa mga lugar sama sa UK, kansa maoy pinaka taas nga klasipikasyon sa maong penomena.
Ang maong penomena, ningresulta sa power interuption sa Sweden, apan sa kasamtangan, wala pay laing kadaot nga nasinatian sa ubang mga nasod hatod sa maong geomagnetic storm.
