BUTUAN CITY – Usa ka babayeng kadete gikan sa Surigao City ang nag-una sa2024 graduating class sa Philippine Military Academy kon PMA, kansang training gisugdan dihang mitumaw ang COVID-19 pandemic niadtong tuig 2020.
Si Cadet First Class (Cdt 1stCL) Jeneth Elumba, kinsa mitapos sa iyang training isip magna cum laude, maoy nag-una gikan sa 278-ka mga lig-ong Bagong Sinag Class 2024 (Bagong Henerasyong Gagampanan ang Tama: Serbisyo, Integridad at Nasyonalismo ang Aming Gabay).
Usa siya sa pito ka mga kadete nga anaa sa listahan sa top 10 nga naglakip nila Cdt 1stCL Cyril Joy Masculino sa Nabua, Camarines Sur (4th); Cdt 1stCL Rosemel Dogello sa Capiz (5th); Cdt 1stCL Alexa Mye Valen sa Lanao Del Norte (6th); Cdt 1stCL Giselle Tong sa Tuguegarao (8th); Cdt 1stCL Danica Marie Viray, nga nagpuyo sa Villamor Air Base (9th); ug Cdt 1stCL Nerova Binag sa Isabela (10th).
Nagsunod kang Elumba sila Cdt 1stCL Mark Boiles sa Novaliches, Quezon City, samtang ikatulo si Cdt 1stCL Kim Harold Gilo sa Butuan City ug si Cdt 1stCL Floyd Nino Arthur Roxas sa Iloilo province nga maoy ikapito.
