BUTUAN CITY – Gidayeg sa mga netizens si Vincent John Tuibeo, taga Cavite, tungod sa pagpatatoo niini sa iyahang hawak sa katapusang sulat sa iyang inahan nga si Joyann ayha kini mitaliwan niadtong yuig 2010.
Sumala pa ni Vincent nga dugay na siyang nagplanong magpatatoo, apan undecided siya sa design nga ipatik saiyang lawas. Apan matud pa, nadumduman niya ang letter saiyang nga inahan busa nakadisidar kini nga ang maong letter maoy ipa tattoo niya saiyang lawas. Nasayran nga gisuwat sa iyahang inahan ang maong panamilit samtang na-confine sa balay tambalanan niadtong 2010 gumikan sa sakit nga cancer.
Dugang pa ni Vincent nga hilabihang kalawom para kaniya ang meaning sa tattoo gumikan tungod kay mao ra kini ang kabtangan nga gibilin saiyang inahan alang kanila.
Mabasa sa maong sulat ang pagpadayag sa inahan ni Vincent kung unsa kini ka proud saiyang mga anak ug lakip na usab ang gibilin niining panghimangno nga kanunay mobuhat og maayong butang ug kanunay sa pag ampo sa labawng makagagahom.
Gumikan niini, daghang mga netizens ang na touch sa maong sulat ug sumala pa sa uban nga “wake up call” kini hilabi na sa mga inidbidwal nga adunay mga inahan nga suliton gayud ang mga adlaw ug oras samtang anaa pa sila sa kiliran.
