BUTUAN CITY – Nag-atubang na sa managlahing kaso ang walo ka mga indibidwal human nasikop sa kapulisan sa Agusan del Sur ug Surigao del Norte tungod sa pagkalambigit sa mga niini sa illgal nga pasugal, kini human nga nadawat sa mga otoridad ang managlahing reklamo gikan sa mga katawhan mahitungod sa nasangpit nga illegal nga gimbuhaton sa ilahang tagsa-tagsa ka mga lugar.
Kahibaloang dungan nga gisikop sa lokal nga mga kapolisan sila si alyas “Dum”, 27 anyos, nga taga Barangay Sta. Isabel, Sta. Josefa; alyas “Flor”, 37 anyos, og residente sa Barangay 1, San Francisco; alyas “Mando”, 45 anyos, sa Barangay Nato, Esperanza; alyas “Rod”, 54 anyos, alyas “Nor”, 30 anyos, ug alyas “Wil”, 31 anyos, nga residente usab sa Barangay Poblacion, Loreto; ugingon man si alyas “Mar”, 23 anyos, sa Barangay San Ignacio, Trento, pulos sa probinsya sa Agusan del Sur. Sikop ang mga niini tungod sa “swertres” ug illegal card game nga “tong-its”. Samtang, sikop usab ang usa ka alyas “Ram”, 46 anyos, nga taga Barangay Telaje, Tandag City, Surigao del Sur kansa nalambigit usab sa “last two”.
Kasmtangan nang gisang-at sa mga niini ang paglapas sa PD No. 1602 nga naghatag ug mas estrikto nga silot alang sa bisan kinsa nga nag-operate o nalambigit sa bisan unsang illegal nga sugal nga kalihokan.
