BUTUAN CITY – Patay ang duha ka training pilots sa Philippine Navy human nahagsa ang gisakyan nilang helicopter kagahapon sa Cavite City gikan sa Sangley Airport ang aircraft para muhimo og training flight.
Gi-ila ni Colonel Francel Padilla, tigpamaba sa Armed Forces of the Philippines (AFP), ang mga biktima nga sila Lt. Jan Kyle Borres ug Ensign Izzah Taccad parehong gikan sa Naval Air Wing.
Base sa report, pasado alas-6:45 sa buntag dihang mag-emergency landing ang two-seater PN Robinson training helicopter sa duha ka training pilot dool sa merkado sa maong siyudad.
Sa kusog nga pagkahagsa nabungkag ang helicopter ug gidala gilayon sa Cavite City Medical Center ang duha apan gideklara na kining patay na.
Sigon ni Padilla, gimandu na usab ang temporaryong pagpahunong sa pagpalupad sa tanang klase sa aircrafts samtang gihimo ang imbestigasyon aron masayran ang hinungdan sa pagkahagsa sa helicopter.
