BUTUAN CITY – Patay ang kapin sa 34-mil ka mga indibidwal tungod sa nagtunhay nga gyera sa Israel ingon man Hamas, alayon niini gikundina gihapon sa mga human rights activists, mga Palistino, ingon mas sa mga nagkalainlaing kanasoran ang kasamtangan nga ginahimo sa Israel sa Gaza, unom ka bulan sukad nagsugod ang maon gyera niadtung Oktubre 7, tuig 2023.
Sumala sa mga nakalap nga impormasyon gikan sa Palestinian Ministry of Health, Palestinian Red Creset Society, ingon man sa Israeli Army nga sa kasamtangan, anaa na sa 1,139 ka mga Israeli ang namatay tungod sa maong gyera, samtang anaa na usab sa labing minos 8,730 ang mga nanga angul.
Alayon niini, anaa na sa labing menos 33,137 ka mga indibidwal ang namatay nga mga Palistino, mga anaa sa Gaza, 13-mil niini ang mga bata, ingon man anaa na usab sa 75,815 ka mga indibidwal ang samaran.
Alang usab sa mga Palistinong anaa nahimutang sa Occupied West Bank, anaa na sa kapin kon kulang 459 ka mga indibidwal ang patay, samtang 117 niini ang mga bata, ingon man labing menos 4,650 na usab ang mga samaron tungod na gihapon sa maong gyera nga unom ka bulan nang nagtunhay karong adlawa.
