BUTUAN CITY – Gitaktak na sa pangamhanan sa Israel ang duha ka mga opisyal sa maong nasod human kini napamatud-ang sad-an sa airstrikes niadtung Abril 2, kansa maoy rason sa pagkamatay sa pito ka mga aid workers sa World Central Kitchen (WCK), usa sa duha ka mga Non-governmental organization kansa nangulo sa paghatod og tabang sa Gaza pinaagi sa pagtransport sa mga hinabang sa kadagatan sa Cyprus.
Kahinumdumang patay atul sa airstrike sa Israel Defense Forces ang pito ka mga aid workers lakip na ang mga langyawng myembro sa nahisgutang non-government organization kansa nag dala og pagkaon ngadto sa mga Palestino nga padayong naipit sa opensiba sa Israel kontra sa Hamas nga anaa nagtago-tago sa Gaza.
Sigon sa imbistigasyon sa Israel Defense Forces nga duna matud pay pipila ka mga naka surive sa pirmiro nga airstrikes, apan namatay ra gihapon ang mga niini atul sa ikatulong hugna sa pagpamumba.
Kahibaloang gipugos sa mga opisyales sa World Central Kitchen (WCK) ang pagmugna og independenteng komisyon sa pagimbistigar sa nasangpit nga panghitabo, dungan sa pagbutyang nga ang mga pagpangayog pasaylo sa Israel ngadto sa mga namatyang pamilya kay usa lamang ka “cold comfort”.
