BUTUAN CITY – Namaligya og Bibliya ang kanhi Presidente sa America nga si Donald Trump sa presyo nga 59.99 US dolyares kon bugti sa kapin 3,300 Pesos.
Ang maong bibliya gipanganlan niini og ‘God Bless the USA Bible’, kansa makita usab ang flag sa maong nasod sa cover page niini, gidugang usab sa maong bibliya ang US Constitution ignon man Declaration of Independence.
Sumala sa video nga gi upload ni Trump sa Truth Social Network, giawhag niini ang iyahang mga supporters nga paliton ang maong Bibliya ug ingon man “make America Pay Again”, kini isip pakghiusa sa maong indibidwal sa Semana Santa.
Nigawas ang maong baligya nga bibliya taliwala sa dakong bond payment nga balayronon ni Trump sa New York Court human kini gihukmang nakalapas sa balaod tungod sa iyang pagpamakak, kauban sa iyahang pamilya mahitungod sa ilahang negosyo. Kahibaloang ning kabat na sa 175 million US Dollars ang balayronon ni Trump tungod sa maong hukom. Apan sumala sa website diin naka post ang maong bibliya, dili matud pa gamiton ang bisan unsa mang halin niini alang sa kampanya ni Trump isip representante sa Republicans alang karong umabalot nga US Presidential Election.
Kahialoan usab nga si Trump, usa sa mga paborito sa mga conservative evangelical Christians sa US kontra sa kasamtangang Presidente niini nga si Joe Biden.
