BUTUAN CITY- Pormal nang gipresentar kang Gov. Ayec T. Pimentel ang duha ka babayeng nakakita sa usa ka bloki nga gituohang cocaine kansa nailang sila si Inna Lauren Biol ug Ruth Ilagan, parehong residente sa Brgy. Valencia, Lingig.
Kahibaloang nakita sa duha ang gituohang cocaine samtang sila nangaligo sa dagat sa may Baesan Beach, Sitio Maribojoc, Brgy. Valencia niadtong Marso 9 sa hapon. Sumala sa taho sa Lingig PNP, gipahibalo gilayon sa maong mga babaye ngadto kanila ang nakita nga kontrabando kansa gibana bana nga nagtimbang ug usa ka kilo nga posibleng nagkantidad ug P5M.
Sa kasamtangan, anaa na ang maong kontrabndo sa kustodiya sa kapulisan alang sa laboratory examination. Kini na ang ikaduha nga bloki sa cocaine nga nakit-an sa kadagatan sa Surigao del Sur kun diin dinhi sa Tandag City ang una nga nakita sa mga mangingisda.
