BUTUAN CITY-Nakadaog sa maka-20 ka higayon ang usa lang ka pangalan sa lotto ning nakalabay nga semana, kini sumala na sa gikabutyag ni Senador Raffy Tulfo, diin sumala niini nga ang nasangpit nga pangalan, gikan mismo sa listahan nga gihatag kanila sa Philippine Charity Sweepstakes Office kon PCSO.
Dugang sa nasangpit nga Senador nga duna usay usa ka pangalan sa maong listahan nga ka-walo naka daug sulod usab sa usa ka bulan; butang nga makapataas matud pa sa kilay. Dugang taho ni Tulfo nga gi kunsidera na matud pa nila nga magkaparehas ang pangalan sa maong mananaog, apan dili gihapon kini katuohan sanglit usa raman usab ka premyo ang nadag-an niini. Kahibaloang gipanguluhan ni Senador Raffy Tulfo ang imbistigasyon sa intigridad sa Philippine Charity Sweepstakes Office games diin gawas sa listahan sa mga naka daug, gipasa usb sa nasangpit nga buhatan ang mga tax records sa mga naka daug sa maong sugal.
Pangutana sa Senador, nganong matag draw, duna na matud pay maka daug – nga sauna nga wala pay e-lotto, tagdugay man, matud pa, madag-an ang maong sugal. Sumala pa ni PCSO General Manager Mel Robles, ila usab ng imbistigahan ang maong anumaliya. Alayon niini, subling gi deny ni Roble nga mamahimo silang maka maniubra sa resulta sa maong padula.
