BUTUAN CITY- Patay nang napalgan ang usa ka lalaki nga gilaslasan og kinatawo sa may kasagbutan nga bahin sa lungsod sa Claver Surigao Del Norte.
Sa inisyal nga pagpakisayod sa mga kapulisan, ang lalaki kansa dili pa nila mamahimong panganlan, duna matud pay pending nga kasong rape sa usa ka singko anyos nga batang babaye sa ilahang lugar.
Sumala pa ni Police Corporal John Paul Polvo nga bandang alas-6 matud pa sa buntag sa dihang dunay ning sumbong sa ilahang buhatan nga concerened citizen, nga duna silay napalgang patayng lawas sa mag Purok 4- Barangay Pantao, Claver, Surigao Del Norte. Dugang sa maong opisyal nga sa ilahang bana-bana, anaa a sa usa ka gabie ang maong patayng palawas nga naka dunghay sa kasagbutan, diin gawas sa kinatawo niining hapit na maputol, nakitaan usab kini og duha ka igo sa bala sa ulo, samtang laing usa usab sa dughan.
Sa kasamtangan, kamulo pa sa pagligid ang imbistigasyon sa mga kapulisan sa nasangpit nga lungsod kung si kinsa ang naihimo niini sa biktima, ingon man kung may kalabutan ba kini sa kaso niya nga pagpang rape og bata.
