BUTUAN CITY – Usa ang Ramadan sa pinakamahinungdanon nga kalihukan sa mga Muslim sa Kuwait.
Sumala pa ni Anna Rosee Saluta, Bombo International Correspondent sa Kuwait, normal na matud pa sa mga tawo sa maong nasod nga mag Fasting og mag-ampo matag Ramadan, saysay niini nga pinasahi matud pa ang Fasting sa maong nasod sanglit matag adlawan raman dili mangaon ang iyahang mga amo, apan pag abot sa gabie ngadto sa kadlawon, duna matud pay mahitabong kumbira sa ilahang panimalay, diin nagkalain-laing mga tawo ang mobisita kanila, rason nga usa usab ang Ramadan sa pinakahago nga panahon alang kanila nga mga Overseas Filipino Worker kon OFW.
Kahibaloan nga tawagon sa maong nasod ang pagpangaon sa kadlawon nga suhoor, samtang iftar usab human sa pagsalop sa adlaw.
Subay ni Anna Rose nga maglikay matud pa ang mga amo niini sa pagkaon, inom ug tubig, pagpanigarilyo, ug uban pang mga dili maayong gawi matag adlawan sa tibook Ramadan. Dugang usab niini nga dunay mga tawo sa maong nasod nga mangahatag og limos kon Zakat Al-Fitr, ilabi na sa mga susama nila nga mga katabang sa panimalay.
Kahinumduman usb nga daan nang giawhag sa National Commission on Muslim Filipinos kon NCMF ang mga dili Muslims nga mahimong sensitibo sa susama kanila nga nag-fasting karong pagsugod na ang Ramadan, tungod kay usa sa ka dakong hagit kanila ang mag-abstain sa pagkaon ug mu-inom kung makakita sila sa laing tawo nga nag-inom o kaha nagkaon duol kanila.
