BUTUAN CITY – Plano ni Pangulong Ferdinand Marcos Jr. nga ibutang sa usa ka bag-ong komunidad ang tag-iya sa 21 ka mga balay nga nadamyos tungod sa pagbaha sa Las Nieves, Agusan del Norte ilabina kadtong anaa kilid sa suba.
Kini human gipa-abot ni Governor Ma. Angelica Rosedell Amante.
Sa situational briefing kagahapon uban ang Pangulo didto sa Prosperidad, Agusan del Sur, gipa-abot ni Governor Amante nga sukad pa kaniadto hangtud karon, ila nang giproblema mga balay nga mabanlas higayong taas ang tubig-baha sa Agusan River.
Kini ang hinungdan nga girekomenda sa gobernadora nga ibalhin sila sa usa ka lugar ug dili ma papuy-an pa ang lugar nga ilang biyaan.
Samtang tubag usab ni Pangulong Marcos, magmugna og usa ka bag-ong komunidad alang sa maong mga apektadong pamilya diin anaa na didto ang mga government infrastructure sama sa tunghaan, merkado, ilang panginabuhian ug uban pa.
