BUTUAN CITY – Anaa na sa korte ang kaso sa gitumbok ni Senadora Riza Hontiveros nga kulto matud pa sa lungsod sa Socorro, Surigao del Norte nga gitawag og Socorro Bayanihan services, Inc. kansa gi-alegahang nang-abuso sa gatusang kabataan nga biktima matud pa sa pagpanglugos, forced ug child marriages ug uban pang sexual abuses.
Sa eksklusibong interview sa Bombo Radyo Butuan, gipadayag ni Mario Semorlan, tigpamaba ni Surigao del Norte Governor Lyndon Barbers nga duha ka buwan na kining gi-imbestigahan mismo sa gobernador ug gipa-abot na ngadto sa buhatan ni Senadora Hontiveros ug gidala na usab nila sa korte.
Giklaro matud pa sa adviser sa grupo nga si kanhi provincial board member Mamerto Galaneda nga dili kulto ang ilang grupo kondili usa ka non-government organization nga mitabang sa mga kabus sa maong lungsod. Gipanghimakak usab niini ang expose sa senadora nga duna’y sexual abuse nga gihimo ngadto sa mga batang miyembro sa grupo.
