BUTUAN CITY – Human ang kapin usa ka buwang pagpangita, gikumpirma sa Isabela Provincial Disaster Risk Reduction and Management Officenga napalgan na ang nawalang Cessna plane sa Isabela.
Madumdumang ang Cessna 206 plane nga duna’y sakay nga unom ka pasahero apil na ang duha ka piloto, padulong unta sa Maconacon apan nahanaw usa ka oras human mibiya sa Cauyan Domestic Airport niadtong Enero 24, ning tuiga.
Ang six-seater plane nga duna’y tail number nga RPC-1174, mutugpa unta pasado alas-tres sa hapon niadtong Enero 24 apan wala kini maka-abot sa destinasyon.
Base sa report, nakita sa usa ka saksi ang aircraft nga mituyok pa-ubos sa kabukiran sa Sierra Madre. Padayong nakig-alayon ang Civil Aviation Authority of The Philippines ngadto sa Philippine Aeronautical Rescue Coordinating Center (PARCC) aron masuta pa ang update sa uban pang detalye sa maong aircraft.
