BUTUAN CITY – Anaa na sa kostudiya sa Explosives and Ordnance Disposal kon EOD Unit ning siyudad ang narekober sa mga sakop sa Butuan City Police Station kon BCPS-4 nga usa ka clamor mine ug usa ka improvised pipe bomb uban sa upat ka container sa bugas humay nila kini gikalot kaganinang alas-sais sa buntag sa hilit nga dapit sa Purok 3-B, Brgy. Taligaman ning siyudad sa Butuan.
Sa eksklusibong pakighinabi sa Bombo Radyo Butuan, gibutyag ni Police Staff Sergeant Gregorio Mondejar sa Explosives and Ordnance Disposal kon EOD Unit, dako ang mamugna nga kada-ut higayong mubuto ang maong mga eksplosibo tungod sa mga bug-at nga butang ug pulburang gisagol niini.
Human kini gipa-record sa BCPS-4, anaa na kini sa ilang kostudiya aron himan nila og report sa ingon, ma-dispose nila kini og sakto aron mawala ang kadelikadong hatud niini higayong ma-trigger nga mubuto.
Samtang p
Samtang padayon pang gipakisayran sa Butuan City Police Station kon BCPS-4 kung kinsa ang mga tawong naglubong sa maong mga eksplosibo uban sa upat ka container nga bugas aron mapasakaan sial og tukmang silot.
Sa eksklusibong pakighinabi ning sibyahan, gibutyag Butuan City Police Station 4 commander PMajor Michael John Arandiya, ilang natud-an ang gilubngan sa maong mga butang tungod na usab sa tabang sa katawhan nga nagpakabana sa ilang palibot ug daling gisumbong kanila.
Dugang sa opisyal nga posibleng kapin na sa usa ka buwan kining gilubong, base na usab sa palibot sa gilubngan niini diin duna na’y nanubo nga mga sagbot.
