BUTUAN CITY – Tulo ka mga rebeldeng New People’s Army kon NPA ang mitahan subay sa pagpadayon sa Police Regional Office (PRO) 13 pagwagtang sa presensya sa Communist Terrorist Group (CTG) dinhi sa Caraga Region.
Naila ang misurender nga sila alyas Lito, 39 anyos, residente sa Nasipit; alyas Dongkoy, 32 anyos, residente sa Remedios T Romualdez (RTR) ug alyas Ger, anaa sa hustong edad, residente sa Cabadbaran City pulos sakop sa lalawigan sa Agusan del Norte.
Si alyas Lito, mitahan sa 1st Agusan del Norte Provincial Mobile Force Company (ADN-PMFC) dala ang blasting cap ug detonating cord samtang si alyas Dongkoy misurender sa RTR Municipal Police Station bitbit ang fuse nga dunay blasting cap samtang si alyas Ger, mitahan sa 2nd Agusan Del Norte-Provincial Mobile Force Company dala ang usa ka metros ug tunga ang gitas-on sa detonating cord, usa ka blasting cap ug kapin kon kulang usa ka kilo nga ammonium nitrate.
