BUTUAN CITY – Arestado ang usa ka kanhing army atul sa gihimong intrapment operation sa Criminal Investigation and Detection Group kon CIDG-Caraga, atbang sa Caraga State University kon CSU-Ampayon Campus sa Barangay Ampayon ning siyudad sa Butuan kagabii sa alas 6:30 ang takna.
Naila ang nadakpan nga si Santos Duyag, 65 anyos ang panuigon nga residente sa Brgy. Taguibo ning siyudad sa Butuan.
Nakumpiska gikan sa posisyon niini ang sakyanan nga Honda Cevic nga dunay Plaka Numero LORY 974, usa ka unit sa cellphone, Usa ka unit sa calibre 45 armscor nga pistola, 2 ka magazine ingon man walo ka bala alang sa calibre 45, upat usab ka bala alang sa calibre 22 ug isa 500 pesos bill isip marked money, ug ang 56 kabook nga 500 pesos bill nga boodle money.
Ang maong dinakpan og mga nakumpiskang butang gikustudiya sa CIDG-Caraga alang sa tukmang disposasyon samtang gi-andam ang kasong atubangon niini.
