BUTUAN CITY – Segurado na si Butuan City Vice Mayor Lawrence Lemuel Fortun nga walay mahitabong barangay og Sangguniang Kabataan kon SK election karung Disyembre ning tuiga.
Sa pakighinabi sa Bombo Radyo Butuan, gibutyag sa kanhi kongresisita sa Butuan City ug unang distrito sa Agusan del Norte nga nahisgut-hisgutan na nila bisan niadtong wala pa natapos ang 18th Congress ang pagsuspinde sa maong piniliay samtang karun susamang plano gihapon ang iyang nakuha gikan sa kanhe mga kaubanan.
Sumala pa ni Fortun, nga sa karun ang wala pay klaro mao ang petsa diin isibog ang piniliay.
Lakip matud pa sa rason niini mao ang pagtutuk sa Marcos Government sa unang usa ka tuig sa pagrekober sa ekonomiya diin dakong tabang niini ang pondo nga gamiton unta sa maong Barangay og SK Election.
Una nang giduso ni Leyte 4th district Rep. Richard Gomez ang sugyot balaodnon nga mag-uktaba sa Dec. 5, 2022 Barangay and Sangguniang Kabataan Elections (BKSE)
