BUTUAN CITY – Alayon sa gipakusgan sa Police Regional Office kon PRO-13 batuk sa insurhensiya og terorismo isip suporta sa Executive Order Number 70 o Whole-of-Nation approach to end local communist armed conflict, tulo ka miyembro sa kumunistang teroristang grupo ang misurender sa Agusan del Sur bitbit ang ilang mga armas sa nakalabay nga adlaw.
Naila ang mga misurender nga sila alyas “Michael,” 26-anyos; alyas “Marcos,” 25-anyos;og alyas “Daisy,” 44-anyos pulos residente sa San Luis, Agusan del Sur nga sakop sa Militia ng Bayan sa Guerilla Front 88, North Central Mindanao Regional Committee.
Ang mga niini nagsilbing taghatud og pagkaon og suplay lakip na ang paghatag og impormasyon.
Gisurender sa mga niini ang usa ka revolver .3516, usa ka unit sa .357 revolver, ug usa ka unit sa . 30 US Carbine M2.
Natigayon ang pagsurender sa tulo human ang paningkamot og negosasyon sa Agusan del Sur Provincial Intelligence Unit, San Luis Municipal Police Station ug kanhe nilang kaubanan nga nakasurender na sa gobyerno.
Gi-enroll na karun ang mga nagsurender sa Enhanced Comprehensive Local Integration Program kon E-CLIP.
