BUTUAN CITY – Miresulta na usab sa pagkakalas sa kinabuhi sa duha ka mga rebelde og pagkakumpiska sa mga armas ang laing natigayong engkuwentro tali sa kasundaluhan og New People’s Army kon NPA ning rehiyon sa Caraga.
Kini human sa engkuwentro nga nahitabo pagkagabii sa Domingo sa Pagkabanhaw, Abril 17, 2022 sa bisinidad sa Brgy. Jaliobong, Kitcharao, Agusan del Norte.
Adiser pa ang panghitabo, ang kasundaluhan gikan sa 29th Infantry Battalion, Philippine Army nakadawat na og daghang mga taho gikan sa nagpakabang indibidwal mahitungod sa presensiya sa kumunistang teroristang grupo sa nasangpit nga barangay na muhimo og pagpangikil og mangayu sa bisan unsang klase sa suplay.
Kini ang rason sa gilusad nga combat operations nga miresulta sa engkuwentro batuk sa gibana-banang 15 ka miyembro sa Communist Terrorist Group diin milungtad og 10 minutos ang binayloay og bala. Nagkatibuagya sa pagsibat ang walhong grupo og nahabilin ang 2 nila ka kaubanan nga wala nay kinabuhi.
Naila ang napatay nga sila Samuel N. Batican, ang lider sa grupo og ang alyas Yawming. Lakip sa rekober usab ang usa ka Colt AR15 rifle, usa ka Winchester M14 rifle, duha ka cellular phones, mga pagkaon og uban pang suplay.
Ang nasangpit nga grupo mao matud pay tig-suplay og pagkaon sa North Eastern Mindanao Regional Committee (NEMRC) og ilang mga cadres.
Human sa engkuwentro, ang narekober nga mga patay’ng lawas gelayon usab nga giturn-over ngadto sa lokal nga otoridad alang sa tukmang disposasyon.
Kung mahinumduman duha usab ka rebelde ang napatay sa engkuwentro niadtong Huwebes Santo sa Brgy. Agsam, Lanuza, Surigao del Sur.
