BUTUAN CITY – Aminado ang taga-Land Transportation, Franchising and Regulatory Board kon LTFRB-Caraga nga ang pagkadelatar sa pagpagawas sa ilang sentrong buhatan sa memorandum circular alang sa pag-renew unta sa prangkisa sa mga transport cooperatives ning siyudad ang hinungdan nga na-ataw ataw ang pagpamasada sa ilang mga membro.
Sa eksklusibong pakighinabi sa Bombo Radyo Butuan, gipadayag ni Ian Primero, ang acting chief sa Technical Division sa LTFREB-Caraga nga niadto pang Marso 30 gipagawas ang memorandum circular kansa nagtugot pag-extend pa sa mga transport cooperatives og usa ka buwan sa pag-renew sa ilang prangkisa kon kutob lang karong Abril 30 ning tuiga.
Human sa maong tagal nga nakalatid sa provisional authority kon PA, adiser pa ibalik ang pagpangdakop sa mga yunit nga wala maka-renew sa ilang prangkisa.
Tungod sa gihuptang motu proprio pinaagi sa provisional authority nga matapos sa Marso 31, mahimo nang makahikay sa ilang franchise renewal ang mga transport cooperatives.
Tungod niini, pwede pang makapamasahero ang mga intra-city route units hangtud sa katapusang adlaw ning bulana nga dili pangdakpon dungan sa paghinaut nga unta higayon na ang kinahanglang hikayon aron malikayan ang posibleng problema unya sa pagpamasada nga ilang mabagatan.
