BUTUAN CITY-Gipagawas sa Department of Labor and Employment (DOLE) ang kapin 34.2 million nga inisyal nga kantidad nga Cash Aid for Emergency Employment alang sa mga naigo sa bagyong Odette.
Ilalom kini sa cash aid assistance sa TUPAD Program gikan Disyembre 21, 2021 hangtod Enero 7, 2022 alang sa mga informal workers nga apektado ning rehiyon.
Makatabang ang tabang pinansyal alang sa temporaryong trabaho alang sa 10,702 ka mga benepisyaryo.
Gipang-apod apod sa DOLE ang ayuda ngadto sa mga nagrabehan sa paghapak sa Surigao del norte nga dunay P22.5M for 6,141 ka mga recipients ug probinsya sa Dinagat Islands nga dunay P11.75M alang sa 3,112 recipients.
Gibasehan ang mga nalakip nga benepisyaryong dunay minimum nga sweldo ngadto sa P320 kada adlaw ug dunay personal accident insurance.
Lakip usab ang mga trabahong mahatagan sa ayuda sama sa cleaning, de-clogging sa kanal, debris, segregation and material recovery, stockpiling ug road cleaning.
Nasayrang gihimo ang TUPAD program aron sa paghatag tabang sa mga nawad-an og trabaho, underempliyed ug mga seasonal nga empleyado paanhon sa kalamidad ug uban pa.
