BUTUAN CITY- Gilibkas na sa Surigao del Norte provincial government ang pag-require sa ilang mga residente og negative result sa RT-PCR Test adiser makasulod sa ilang probinsya.
Kini human gi-isyu ni Gov. Francisco ‘Lalo’ Matugas ang Executive Order 21-037, series 2021, nag-update sa mandatory protocols ug requirement alang sa mga mobaye sa probinsya sa Surigao del Norte.
Nakalatid dinhi nga ang mga residenteng mupauli sa probinsya dili na pangitaan og negative result sa swab/saliva RT-PCR Test kung kini makapakita og vaccination card nga fully vaccinated na kansa gi-isyu sa mga lehitimong vaccinating establishment.
Gimanduan usab ang Surigao State College of Technology nga palapdan ug pakusgon ang paggamit sa Surigao del Norte e-HEALTH Pass System pinaagi sa pag-generate og QR-Coded vaccination card alang sa mga residente sa Surigao del Norte aron malikayan nga makalusot ang ga peke nga vaccination card.
Gihimo matod pa ang maong lakang human nakita ang ubos nga ihap sa mga nadugang nga kaso sa covid19 probinsya sa nakalabay nga semana.
