BUTUAN CITY- Purisigido ang usa sa mga nabiktima sa Investment Scam nga Mers Business Center dinhi sa syudad sa Butuan nga magpasaka og reklamo batok na sa tag-iyang si Reynaldo Camingawan ug sa mga alipores niini.
Sa pakighinabi ning sibyahan sa wala na nagpailang biktima sa maong investment scam, gibutyag niini nga wala na siya nagdahom nga mabalik pa ang gibubo niining kwarta nga mukabat sa halos usa ka milyon ka pesos.
Sumala niini mas napa-aghat siya nga magpasaka og reklamo human na usab sa panawagan sa mga kabanay ug sa tambag sa usa ka tao sa korte nga nagpatawag sa tag-iya sa Mers Business Center nga iyang naabtan sa opisina nga nagserve sa maong summon nga kansa gikan usab sa uban pang nagreklamo.
Sigon niini nakig-koordinar na siya sa ubang personal nga kaila nga nabiktima sa maong scam nga magduso na usab og pormal nga reklamo sa korte aron mapanubag ang mga nagdumala nini.
Nasayran nga unang nagbubo og kwarta ang biktima sa maong investment scam niadtong Marso ning tuiga didto sa Bayugan City human gipasaligan nga adunay 30 porsyento nga pay out matag buwan sa gibubong kwarta.
Plastado matod pa sa una ang pay-out niini rasong human usab masayran nga adunay branch niini nga nag abli dinhi sa Butuan City subli kining nagbubo og dakong kwarta nga kansa mosuma total na sa 1 milyon pesos.
Katapusang nakadawat ang biktima og pay-out niadtong Septembre ug kung sumadahon dako pa matod ang iyang alknase.
Nasayran nga ang Mers Business Center naka-rehistro sa BPLD dinhi sa syudad isip usa ka Money Changer apan sukwahi ang operasyon niini kansa ang opsina karon nagsirado na.
Naghimo na og legal nga action ang otoridad sa maong business center kansa nasayran nga daghan na usab ang nabiktima sa ubang dapit dinhi sa pulo sa Mindanao.
