BUTUAN CITY- Gitin-aw sa Department of Health kon DOH Caraga nga abiso gikan sa ilang sentrong buhatan ug dili sa rehiyonal nagsumikad ang gipahibalo karong impormasyon sa matag- local government unit nga ang Janssen vaccines itagana alang lamang sa mga senior citizens partikular sa A2 ug A3 sanglit sila ang padayong anaa sa risgo sa severe COVID-19 ug kasagari ma-ospital.
Gisegundahan usab kini Michiko De Jesus ang tigpamaba sa LGU-Butuan kinsa nanawagan sa mga sakop sa maong priority groups nga dili magpakuling mu-adto sa mga vaccination sites ning syudad aron mabakunahan.
Kini human gikabalak-an ang posibleng pagsulod sa mas makatakod nga delta variant kansa anaa na natala sa kasikbit nga probinsya sa Misamis Orental.
Gibutyag usab ni Michiko De Jesus nga kayang makatupok og hantod sa 4,000 ka tao matag adlaw kung adunay igong suplay sa bakuna ang syudad.
Gipadayag kini ni De Jesus human nakita ang datos nga misaka na og dyutay ang gustong magpakuna batok sa covid-19 dinhi sa syudad.
Sumala ni De Jesus kayang makab-ot sa dakbayan ang 4,000 ka tawong matupukan batok sa covid-19 matag-adlaw sa upat ka vaccination sites kung aduna usab igong bakunang itagana ang Department of Health kon DOH-Caraga.
Taliwa niini, malaumon gihapon si De Jesus nga makab-ot ra sa syudad ang population protection sa dili . Sa datos usab sa DOH- Caraga, miabot na sa 204, 477 ang kinatibuk-ang ihap sa mga nabakuhang indibidwal sa rehiyon.
Ang maong ihap layo pa sa population protection target nga 70% nga angay mabakunahan.
