BUTUAN CITY – Fighting for gold na si Pinay boxer Nesthy Petecio alang sa women’s featherweight nga taga-lungsod sa Sta. Cruz sa Davao del Sur human niya gipildi kaganina sa score nga 4-1 ang kaaway nga si Italian boxer Testa Irma didto sa Kokugikan Arena sa nagpadayong 2020 Tokyo Olympics.
Nakahilak sa kalipay ang pamilya Petecio tungod sa iyang kada-ugan nga wala nila damha.
Sa eksklusibong pakighinabi sa Bombo Radyo Philippines, gibutyag sa apuhan niining si Calixto Petecio ang kadako sa iyang kalipay tungod sa kada-ugan sa iyang apo.
Samtang nagpasalamat usab sa Kahitas-an ug sa Bombo Radyo ang iyaan niini tungod sa kanunay nga pagbulig og grasya ngadto sa garbo sa ilang pamilya.
Samtang naghilak usab sa tumang kalipay nga gitimbaya si Nesthy sa iyang manghod dihang gihinabi sa Bombo Radyo.
Gibutyag niining dugay nang pangandoy sa iyang maguwang nga makuha ang maong kada-ugan rason nga tumang kalipay ang ilang gibati human niya kini nakab-ot.
