BUTUAN CITY – Posibleng makabalik na sa ilang na-andang biyahe sunod semana ang mga orange tricycles nga gidid-an sa lokal nga kagamhanan ning siyudad pagsubay sa national highway isip pagsunod sa kamanduan usab gikan sa nasudnong kagamhanan.
Kini ang giklaro ni Jun Reyes, vice president sa Butuan Transport Federation human ang pakigtagbo kanila kagahapon ni city administrator Rey Desiata.
Sa eksklusibong pakighinabi sa Bombo Radyo Butuan, gibutyag sa opisyal nga duna na matud pa’y na-aprubahan nang city ordinance kalabot niini human nangreklamo ang mga residente sa nagkada-iyang barangay sa kawala nila’y masakyan tungod sa kakulang sa mga de-pasayruang traysikol ilabina nga limitado lang ang kapasidad sa pagpasakay sa mga traysikol tungod sa pagsunod sa minimum health protocols.
Sigon ni Reyes, ang kondisyon nga gihatag kanila, kinahanglang butangan og kolor green nga rebete ang kilid sa ilang traysikol ug sundon ang prosesong nakalatild sa ordinansa nga wala’y bayaran pinaagi sa Business Permits and Licenses Division kon BPLD sa ingon mahatagan og mayor’s permit.
