BUTUAN CITY – Dako matod pa ang tsansa nga makakuha og ticket ang tulo ka Siargao surfers sa Tokyo, Olympics karong bulan sa Hulyo.
Madumdumang mibiya na sila John Mark “Marama” Tokong, Edito Alcala ug Nilbie Blancada padulong sa El Salvador aron musalmot sa Olympic qualifying meet nga World Surfing Games (WSG) nga himuon karong Mayo 29 hantod Hunyo 6.
Ang nasangpit nga mga atleta lakip sa six-man Philippine surfing team nga mosulay sa ilang swerte sa WSG, sa pangindahay nga ilang madala ang national flag sa pinakadakong entablado sa global sports didto sa Tokyo, Japan.
Sumala kang Siargao Correspondent Roel Catoto sa pakighinabi sa sibyahan, dako ang tsansa nga makasulod sa Tokyo Olympics ang maong mga surfers tungod kay di-calibre ang talento sa mga niini pag-abot sa lawod.
Sigon ni Catoto, ubay-ubay na usab ang nakab-ot nga mga achievements sa mga local surfers ug daghan na usab sila’g kasinatian sa world scene.
Gani, ubay-ubay na ang gipanglupig nila nga mga world ranking surfers sa nakalabay nga mga contests.
Kamatuoran na lang niini ang pagka-gold medalist ni Nilbie Blancada, ingon man bronze medalist nila John Mark ‘Marama’ Tokong ug Edito Alcala sa nakalabay nga 2019 Southeast Asian Games ug uban pang mga international surfing events.
Higayong makakuha og ticket sa Tokyo Olympics ang tulo ka local surfers mahimo usab kini nilang pinaka-unang appearance sa Olympiada.
Nasayrang karong tuiga usab ang opisyal nga paglunsad sa dula nga surfing nga malakip sa Olympics.
Alayon niini, subsob usab ang suporta sa mga tawo sa Siargao island partikular sa General Luna alang nila Tokong, Alcala ug Nilbie Blancada ug naghinaot nga makuha ang pangandoy nga ticket alang sa pinakadakong sporting event.
