BUTUAN CITY – Nabakunahan na kontra COVID-19 si Agusan del Norte Gov.Dale B. Corvera subay sa han-ay sa Priority Group A2 o ang batch sa mga Senior Citizens.
Dungan niini nga nakadawat og unang dose sa bakuna ang iyang kapikas nga si Nanceli, kagahapon , Mayo 5, sa gymnasium sa Cabadbaran City.
Sumala pa ni Gov. Dala taud-taud niining gipaabot ang ilang turno ug karon nga miabot na kini wala siya magmakuli nga magpatupok.
Dugang sa gobernador isip amahan probinsya, nakita ninini ang dakung obligasyon aron mahimong luwas ang mga residente sa probinsya gikan sa makamatay nga sakit ingon man aron mawagtang ang kabalak sa uban pag-abot sa epekto maong bakuna ug matabangan ang gobyerno ilang kampanya.
Gipasabot niini nga walay angay kahadlokan sa mga bakuna tungod ang mga niini miagi sa saktong proseso aron mahimo kining luwas ug dili usab matod pa mupalit ang gobyerno og bakuna kung makadaot kini sa tao.
Tungod niini subsob na lamang panawagan ug pag-awhag sa gobernador sa katawhanng Agusanon nga dili magmakuling magpakuna tungod kay dili lang kini proteksyon sa kaugalingon kundi kaayuhan usab kini ubang tao.
.Nasayrang,kapin 30,000 ka mga senior citizens ang target nga mabakunahan sa tibuok probinsya sa Agusan del Norte
