BUTUAN CITY – Gi-assess pa sa Municipal Disaster Risk Reduction and Management Office kon MDRRMO sa Hinatuan, Surigao del Sur ang damyos sa ilang municipal gym human nadamyos tungod sa kusog nga linog.
Nasayrang tungod sa kakusog sa linog, nangatangtang ang mga PVC niini apil na ang alkuba.
Ang nasangpit nga gym gi-convert nga quarantine facilities alang sa mga locally stranded individuals kon LSIs ug mga Returning Overseas Filipinos kon ROFs nga nanguli ning mi-aging mga buwan aron didto sila i-quarantine sulod sa 14 ka mga adlaw.
Dihang nahurot na ang mga gi-quarantine nga indibidwal, gi-disinfect gilayon kini.
Gi-eskedyol unta kining gamiton pagbalik isip quarantine facility niadtong Lunes apan wala na madayon tungod sa kusog nga linog nga mitay-og kondiin grabeng damyos ang gibilin niini.
