BUTUAN CITY – Nagka-init karon ang dagan sa pamulitika sa Estados Unidos samtang nagkaduol na ang presidential election karong Nobyembre 4- oras sa Pilipinas.
Kini ang paghulagway sa Butuanon nga si Raymundo Madamesila sa eksklusibong pakighinabi sa Bombo Radyo Butuan, direkta ngadto sa Maryland diin siya nagpuyo.
Gibutyag niining sa ilang estado, dili kaayo gubot tungod kay gidomina man kini sa Republicans, ang partido ni US President ug re-electionist Donald Trump.
Sa mga gubot lang matud pa nga mga estado sama sa New York ug Minnesota ang duna’y himuong rali ng mga kandidato.
Apan ang gikahibulungan niini mao ang nasagap niyang balita nga ang ilang Republican governor wala matud pa mibotar kang Trump kansa nalantaw niyang usa ka binuang ug gitu-uhan niyang tungod kini sa mg alegasyong racist ang ilang presidente.
Samtang susama gihapon ka-init sa Maryland ang dagan karon sa election campaign sa Texas base sa pagkumpirma ni Butuanon Joeville Breeding sa eksklusibong pakighinabi ning sibyahan direkta sa Texas, USA.
Iyang gibutyag nga kung sa unang eleksyon, mabana-bana niyang 80-porsiento sa katawhan sa Amerika ang misuporta kang Donald Trump tungod sa kagustuhan sa kadaghanan nga makabaton og negosyanteng presidente, karon migamay ang mga misuporta kaniya tungod sa daghang isyung gilambigitan niini.
Bisan matud pa sa mga pangpangdaut kang Trump, dili sila magpa-ulahi pagbotar pabor kang Trump ilabina nga aang ilang estado, maka-Republicans tungod kay susama sa baruganan ni Trump, pro-gun usab sila tungod sa ilang panginabuhian nga kadaghanan mga hunters nga maoy saligan nila sa ilang pagkaon.
Sa pagkakaron, dili pa niyamasulti kung mudaog si Trump sa ilang estado tungod kay daghang mga black Americans ang mi-atras na sa ilang suporta kang Trump.
