BUTUAN CITY – Nagbangotan karun ang POlice Regional Office kon PRO-13 lakip na ang pamilya human napatay ang usa ka pulis kaganina lang.
Naila ang maong biktima nga si Pat Jennis Mark Encinas, miyembro sa CLass 2016-01 PINAGSANIB.
Maisogon kining nakig-away sa teroristang New People’s Army kon NPA og napatay sa dihang gihimo ang combat operation batuk sa Communist Terrorist Group sa may Brgy.Buenavista, Tandag City, Surigao del Sur.
Nagpadayag usab og pahisubo ang pamilya sa maong pulis diin base sa komento ni Merly Madrid Avila, bisan og sakit, dawaton nila ang nahitabo.
Sumala pa niini nga mapahitas-on siya sa iyang pag-omangkon nga nakig-away aron protektahan ang nasud. Kini dayung singgit sa seryoso nga imbestigasyon og hustisya sa nadangatan niini.
