BUTUAN CITY – Sa pinaka-unang higayon sukad nga gibalitang patay na, subling nakahinabi sa Bombo Radyo Butuan si Ka Sandara Sidlakan, ang tigpamaba sa NPA-Surigao Del Sur.
Nasayran nga gipagawas sa militar ang impormasyon may kalabutan sa ilang dakong pagtoo nga lakip sa 20 ka mga napatay sa natigayong giyera dido sa Zapanta Valley Comples, sa Surigao Del Sur mao ang tag-as nga mga opisyal sa walhong grupo nga sila Ka Maria Malaya, Ka Sandara og Ka Juaquin.
Gibasehan sa mga sundalo ang ilang gitoohang ang narekober nga mga ebidensiya sa lugar nga nahitaboan.
Apan kagabii, dunay nagpailang si Ka Sandara nga nahinabi sa sibyahan og gibutyag niining bakak ang alegasyon sa militar.
Sumala pa ni Ka Sandara nga dugay siyang nakatingog sa kahanginan tungod na usab sa ubang butang nga gikabisihan.
Pagbutyag pa ni Ka Sandara, nga desperado lang matud pa ang kasundaluhan rasong ilang gipagawas nga napatay ang mga tag-as nga opisyal sa kalihukan.
Abli usab ang Bombo Radyo Butuan alang sa kabahinan sa kasundaluhan mahitungod niining panghitabo.
